ಬಾ ಒಲವೇ..

ಬಾ ಒಲವೇ..ಬಾ...
ಹುಣ್ಣಿಮೆಯ ರಾತ್ರಿಯಲಿ,
ಸುಂದರ ಪ್ರೇಮಕಾಶ್ಮೀರದಲಿ,
ಮೆಲ್ಲಗೆ ಸುರಿವ ಮಂಜಿನಂತೆ..
ಪ್ರತಿದಿನವೂ ಮರೆಯದೇ
ಬಾ.. ಒಲವೇ., ನನ್ನ ಕನಸಿನಲಿ..!

ಮೆತ್ತನೇ ಹೂಹಾಸಿಗಯೂ
ಕೂಡ ಮುಳ್ಳಾಗುವುದು.
ಎಂಥ ಗಾಢನಿದಿರೆಯೂ
ಕೂಡ ಮರೆಯಾಗುವುದು.
ಮಾಗಿಯ ಚಳಿಯು ಕೂಡ
ಬೇಸಿಗೆ ಬೇಗೆಯಂತೆ ಕಾಡುವುದು.
ಕನಸಿನಲೂ ಕೂಡ
ನೀನಿರದ ರಾತ್ರಿಯಲಿ..!!

ಆ ಹುಲ್ಲು ಹಾಸಿಗೆಯಲಿ,
ಚೆಲ್ಲಿದ ಬೆಳದಿಂಗಳಿನಲಿ,
ನಾ ಮಲಗಿರುವಾಗ ನಿನ್ನ ಮಡಿಲಿನಲಿ,
ಸ್ವರ್ಗಸುಖದ ಬಯಕೆ ಯಾಕೆ?
ಚೆಲುವೆ, ಹಾಗೆಯೇ ಇರುವಾಸೆ.
ಬಾನಲಿ ರವಿ ಮೂಡದಿರಲಿ..

ನೀ ಮರೆಯದೇ ಬಾ ಒಲವೇ,
ಪ್ರತಿ ರಾತ್ರಿ ಕನಸಿನಲಿ.
ಆ ಕನಸುಗಳೇ ನನಗೆ
ಉಸಿರು ಕಣೇ, ಚೆಲುವೆ
ನೀ ಬಂದು ಸೇರುವವರೆಗೆ
ನನ್ನ ಮನೆ ಅಂಗಳದಲಿ..!