ಅಮ್ಮಾ...ನನ್ನ ಪ್ರೀತಿಯ ಅಮ್ಮ

ಅಮ್ಮಾ ಎನ್ನೋ ಎರಡಕ್ಷರದಲಿದೆ

ಪ್ರೀತಿ-ವಾತ್ಸಲ್ಯ-ಮಮತೆಯ ಸಿರಿ,

ಆ ಸಿರಿಯ ತುಂಬಿದ ಹೃದಯವು

ನನ್ನ ಜೀವದಾತೆಯದು..,

ನನ್ನ ಕಣ್ಗಳಲಿ ನೀರು ಬಂದರೂ,

ನೀ ಪಡುವ ಹೃದಯದ ನೋವು,

ನಾ ತಪ್ಪು ಮಾಡಿದ ಕ್ಷಣದಲಿ

ಬೆತ್ತದೇಟು ಕೊಟ್ಟು, ಮತ್ತೊಮ್ಮೆ

ಅರಸಿ ಬಂದು, ಮಮತೆ ತೋರುವ

ನಿನ್ನ ಪ್ರೀತಿಗೆ ಸರಿಸಮಾನರುಂಟೆ..?

ನನ್ನ ಪ್ರತಿ ಹೆಜ್ಜೆಯನೂ ಸಹ

ಸೂಕ್ಷ್ಮದಿ ಗಮನಿಸಿ, ಸರಿಪಡಿಸಿ,

ನಾನಿಡುವ ಪ್ರತಿ ಹೆಜ್ಜೆಯಲೂ

ಗೆಲುವು ಉಂಟಾಗುವಂತೆ ಹರಸಿ

ಹಾರೈಸಿದ ನಿನ್ನ ಹೃದಯದಲಿ

ಬತ್ತದಾ ಪ್ರೀತಿ ಸರಿಸಮಾನರುಂಟೆ..?

ಇಂದು ನಾನು ಬುದ್ದಿವಂತನಾಗಿ,

ಏನಾದರೂ ಸಾಧಿಸದವನಾದರೆ,

ನಿನ್ನ ಹರಕೆಯ ಫಲವಷ್ಟೆ ಹೊರತು

ನನ್ನ ಅದೃಷ್ಟವೇನಲ್ಲ .. ನನ್ನಮ್ಮಾ..

ನೀ ತೋರುವ ಪ್ರೀತಿ, ಮಮತೆ,

ಮತ್ತ್ಯಾರಿಂದಲಾದರೂ ಪಡೆಯುವುದುಂಟೆ..?

ಅಮ್ಮಾ.. ನನ್ನ ಪ್ರೀತಿಯ ಅಮ್ಮ...